ولِسَّه الحِلم مَكْمِلْشِيوالفجر لِسَّه مَدَّنْشِي
وِنُورُه لِسَّه مَطْلِعْشِي
لَكِنِّي صِحِيت ..
قاعد وِمِسْتَنِّي
مَعَايَا قَلَمِي وِسَجَّاْدِتي
والوقتْ يْفُوت ويْعَدِّي
وَانَا وَلَا مَلِّيت ..
الرَّايِح والجَاي
خَطْوِتُه لِيه عَنْدِي
بِتْقَصَّر وِتْهَدِّي
وِيِضْحَك وِيْمِسِّي
وأنا ولَا رَدِّيت ..
وِدَاِني صَاحْيَة
وعِيَنَيَّا في كُل نَاحْيَة
وناس حَوَاَلَيَّا لَاهْيَة
وناس من بِعيد جَايَّة مِلْتِحِيَّة
مِسْتِحِيَّة مِسْتَنِيَّة
مِسْتِخَبِيَّة
بتهتف بِسْكُوت
لَابْسِين وَرَقْ تُوت
مَاسْكِين نَبُّوتْ
وَانَا لَا خُفْت وَلَا جْرِيت
وازَّاي أقْدَر أمْشِي
واخُويَا دَمُّه منْشِفْشِي
وابُويا لِسَّه مَرْجِعْشِي
ولسَّه الحِلم مَكْمِلْشِي
والفجر نُورُه مَطْلِعْشِي ..
ليست هناك تعليقات:
إرسال تعليق