شهادتك يا مشير قريتها ومعجبتنيش
أو لامُّؤاخذة الفهم عندي خلاص مفيش
بصراحة شهادتك في المحكمة ما تلزمنيش
تحكم المحكمة ما تحكمشي ما يهمنيش
حقي وهاخده وإنشالله هاعيش
شهادتك يا مشير تقدر تقولها للشعب ؟؟
شهادتك اتكتبت فوق .. فوق عند الرب
خلي الشهادة يا مشير على جنب
قوللي في نظرك عليه كام ذنب ؟؟
طب قولي ليه اتنحى ومين نحَّاه ؟
خايفة تكون شهادتك ليه نجاة !
شهادتك يا مشير تحصيل حاصل
معروف مين المسئول ومين القاتل
معروف مين المفعول ومين الفاعل
طب مين رفض ضَرْبْ النار وحكاه؟
طب مين هَرَّبْ سالم وحماه ؟
خايفة أكون يا مشير صدقتك واتغشيت
من ساعة مانشرت شهادتك والله اتغميت
خايفة أكون بِسْكُوتَك أنا مليت
خايفة فلول الحزب تنشر بيننا سمها وتصيب
خايفة أقول كلام تزعل مني وتقول عيب
خايفة شباب الثورة أملهم فيك بُكرا يخيب
أصلي شامة ريحة وسامعة صوت الديب
خايفة يوم يتحد الهلال والصليب
في ميدان التحرير إياه القَريب
يقولولك ارحل يعني امشي وسِيب
ليست هناك تعليقات:
إرسال تعليق