نستفتي يا مشير أو منستفتيش الشعب بيقولك ماتخذلنيش
كمل جميلك يا جيش
كمل جميلك خلي مصر تعيش
ثُرنا ع الملك والاستعمار
وعشنا سنين في استحمار
بنتسرق كل يوم بالمليار
بعني إيه السجن والعار
وفيه ناس فاسدة عايشة في استقراربتقول بريئة باستمرار
نستفتي يا مشير أو ما نستفتيش
كمل جميلك يا جيش
قُلِّنا فيه فساد بجد ولا مفيش
لسه في السما غربان وخفافيش
قصقص الضوافر وانتف الريش
لسه فيه بيننا تماسيح مابتستحيش
هايحبك الشعب ويدعي لك يا رب تعيش
كمِّل جميلك يا جيش
لا أنا شيوعي ولا إخواني وفي السياسة ماليش
سالي وبكير وعم عليش
بيسألوا فين الرقابة ع القصور والتفتيش
خزاينها مليانة ذهب ولاَّ ياميش
نستفتي يا مشير أو ما نستفتيش
كمل جميلك يا جيش خلِّي مصر تعيش
قُلنا فيه فساد ولا مفيش
قُلِنا مين سرق الأرض
طب مين باع العرض
مين برطع في البلد طول وعرض
مين قال إكرام الفاسد فرض
ونكتفي بسجن والتحفظ ع البعض
كمل جميلك يا جيش وحاسب
كل حرامي ع الوطن كاذب
خلاص اِتكسَّرت كل القوالب
دم الشهيد لسه علينا واجب
أمه بتصرخ بتقول لسه غاضب
نستفتي يا جيش ولا ما نستفتيش
كمل جميلك يا جيش
خلي مصر تاني تعيش
ليست هناك تعليقات:
إرسال تعليق