بياع شاطر متميز
معاذ الله مش متحيز
بضاعته مطلوبة وبيتعزز
يبيع بمزاج ويمزمزمين شرَّاي مين فاهم بيميز
مين ينقص يزود يرقص يهزهز
بياع شاطر متميز
أطلب تلاقي حاضر ومتجهز
الدفع كاش مأستك أو متفيز
أسعار غالية رخيصة باشتري
أخزن أبيع أكسب وأغتني
الناس تشكي تجوع إن شا الله تتهري
سوق مفتوح بِحُرْ مالي مش بافتري
بعت واشتريت في يِن ودولار
بنيت مصانع شيبسي وفشار
وزعت تكتك لامؤاخذة بدل الحمار
لعبت لعبة الفرد والجوز
رشحت نفسي وكان لازم أفوز
بفلوس كل شيء هاخده بدون ما اعوز
دخلت المجلس كأني عريس
معايا مفتاح غالي ونفيس
عندي عزة كريم في المجلس حسيس
عصامي مش حرامي شريف مش خسيس
دي قصتي لكل شاب تعيس
ليست هناك تعليقات:
إرسال تعليق