يامواطن يا مصري يا ابن التخينعليك تختار حاجة من اتنين
ياأبيض يا أسود مش اللونين
يا تعيش غلبان تعيس مسكين
يا تكون حرامي غني مستهين
تعاند تراوغ هتروح مننا فين
لا نعرف قتل ولا دبح بالسكاكين
في مرض يخليك مستكين
و دروس وضرائب تكون مستدينتسلِّم تبقى معانا أو تبقى سجين
ترفع قضايا تشتكي بالسنين
هتحلف هتقسم ميت يمين
نهايتك معانا أو مستشفى المجانين
هتسلم هتكسب وتشتهر وتربح
وكل مشاريعك الفاشلة هتنجح
والقوانين هتلين لك وتسمح
وتركب حصانك وفي عزبتنا ترمح
بس إياك في يوم تتنحنح
أو عقلك يفكر يوم يجمح
أو تقولي قابلت شيخ ولي بينصح
هنقول عليك عميل ولبلدك خنت
أو نخفيك ونغير معالمك ونقول تهت
أو وطني جميل حر وبثروتك اتبرعت
عليك تختار حاجة من الاتنين
ياأبيض يا أسود مش اللونين
روعة .... تسلم الأيادي
ردحذف