حلّ المرشح الرئاسي، عبد الفتاح السيسي، ضيفًا على الإعلامية زينة يازجي في قناة «سكاي نيوز عربية» ببرنامج «مع زينة»، مساء الأحد، للحديث عن برنامجه الانتخابي.
يمكنك متابعة نص الحوار (لحظة بلحظة):
- زينة: المرشح السيسي الاسم الأكثر شهرة.. وتقدم للرئاسة ويعد بالرؤية الشاملة.. أهلا بكم.
- السيسي يرحب بـ«زينة» ويتحدث عن ترشحه للرئاسة ورؤيته للمشهد السياسي: أتوجه للسادة المشاهدين بكل التحية والاحترام.. المصريين صبروا كثيرًا ويتطلعون إلى إنجاز حقيقي وحجم التحدي كبير جدًا، وعلى كل المصريين التحرك والاجتهاد.. وحالة الثورة التى نعيشها أدت إلى إرباك فى المشهد في مصر. ببساطة خالص بنتكلم عن الأمن والأمن وصلنا إلى المركز 132 في معدلات الجريمة، وبتكلم عن حالة الثورة عشان نحقق مطالب الناس وعشان الشق الأمني لازم ننظم حياتنا كلنا، وبقول إن القانون اللي فيه جدال عليه بينظم مش بيمنع وبدي الفرصة للشرطة لتنظم الموقف، وجهاز الشرطة مشغول ليل ونهار في متابعة الإرهاب والناس اللي بتخطط والعناصر الخارجة عن القانون.. ولو الـ90 مليون واحد من الألف منهم خارج السياق هنحطهم في السجون طيب هننفق عليهم ولا لأ؟.
- زينة: كم تستطيع كمرشح أن توزان بين الأمن كمطلب للحفاظ على الحريات لمصر بعد ثورتين؟
- السيسي: الأمر مرتبط بالثوابت والقناعات، هل هو محترم الحريات ومحب لها، وأنا اللي خايف منه إن البلد تصل لحالة فوضى وأثناء تولي وظيفتي كنت ألتقي كل القوى وكنت بقول مش عاوزين نفكر في الأفق السياسي الحاكم فقط ونفكر في الأفق الاجتماعي ومطالب الناس والأفق الأمني.. وممكن نقابل المواطن العادي نجد أن اهتماماته إنه مهتم بالحرية والسياسة لكن له اهتمامات أخرى لكن يبقى لنا اهتمامات متكاملة والإشكالية الاجتماعية والإشكالية الاقتصادية ونحط دول مع بعض لها شكل تاني وده معناه إن إحنا عايزين ندعم ونعضد الشرطة وندعم ونعزز القانون عشان نستعيد حالة الأمن وده هيدعم في المرحلة القادمة وتوفير كل احتايجاتهم الفنية الإدارية ورفع مستوى والمهارة، والقانون إننا لا نعلق على أحكام القضاء ونحترم بكل قوة قضاءنا المستقل، كمان الإعلام لو يطور تحدياتنا وده هيضيف وهيحقق الأمن والاستقرار.. تتبقى التنمية.
- زينة: قبل التنمية.. اليوم المحاكمات لبعض الشباب الذين شاركوا في الثورة تثير القلق؟
- السيسي: السؤال بالطريقة دي ده يجنح للقضاء واستقلاله، والقضاء يتعامل من منظوره هو.. وأنا عاوز أقول إننا مانعلقش على أحكام القضاء لو عايزين دولة القانون.
- زينة: التنمية.. نحن نتكلم عن تنمية شفافة حقيقية.. كيف ينجح السيسي فيما فشل الآخرون الكثيرون في تحقيق التنمية لمصر عبر عقود طويلة؟
- السيسي: الجديد في الموضوع إني بحشد والحاجة رقم اتنين المجابهة القوية ووعي حقيقي، وبقولك اصطفاف المصريين في فهم عمق وحجم المشكلة، وفيه 3 محاور بنتحرك عليها ليحققوا هذا الحلم، ولما قلنا حشد قوة المصريين، الحشد مش أمر بسيط وتعبئة المصريين أمر مش بسيط ولنا تجربة في أزمات سابقة، والمصريين في وقفتهم بيعرفوا حجم المشكلة، والتقينا رجال الإعلام والصحافة وبنتكلم مع بعض وبنعرف حجم التحدي الموجود وطبيعي إن كل واحد يهتم بمصالحه.. وكلامنا مع الرأي العام مايبقاش فيه كلام غير على الواقع ده.
- زينة: بمعنى لا نخوف الناس؟
- السيسي: ده أمر صحيح، وهما يعرفوا إن فيه مشكلة.. وإحنا قادرين على حشد طاقات المصريين وكلمة اللمبة اللي بتكلم عليها والبنزين والمية.. وهقولك حاجة.
- زينة: إذا ما سابتدلت لمبة عندي في البيت سأنقذ اقتصاد مصر؟
- السيسي: إحنا ما قلناش كده.. الصيف اللي جاي هنستخدم حجم أكبر عشان الحرارة ومش بالكلام.. واللمبة بسيطة زي ما الفرد بسيط لكن لما تعطي الحجم بالملايين والناس بالملايين فالنتيجة مختلفة، وتصوري إن لسه ماشتغلناش مع الناس في ده وفيه إقبال غير مسبوق إن الناس تعمل ده وممكن ترشيد إنفاقنا ككل في الوزارات والدولة.. وفيه كلام كتير وممكن نوصل لحد إننا نرشد من إنفاقنا وأنا بتكلم عن الدولة وكل إنسان حسب استعداده.. وفيه كلام كتير في حالة الطاقة وبقول للمستثمر مادورش إن الربح بتاعك يصل للنسبة دي ولكن إنه يشغل عدد من الشباب.
- زينة: البطالة مشكلة كبيرة؟
- السيسي: جدًا.
- زينة: هل نتحدث عن قوانين أم الأنانية والأخلاق؟
- السيسي: عندنا من القوانين ما يكفي ومحتاجين كمصريين احترام للقانون وعندي كفاية وآليات تخضع لده ولو خلصنا ده ننهي ده تماما.
- زينة: بس العوز في مصر كما تقول ليس بسبب الفساد؟
- السيسي: أنا ماقلتش إنه مشكلة كبيرة لكنه سبب من المشكلة، والمشكلة كبرت وتراكمت وتصوري قبل 25 يناير كانت نسبة الفقر 21% ودلوقتي وصلنا لـ26% تقريبا 25 مليون.
- زينة: مشكلة مصر الاقصتادية الرئيسية ما هي؟
- السيسي: عندنا حجم دين ضخم داخلي وخارجي أقساط فوائده 200 مليار جنيه وماحدش قرب من الدين نفسه ولو عايزين نصفي الدين نفسه فوائده كتير ومحتاجين جهد وعمل ضخم جدا والنقطة الثانية بغض النظر عن الدعم بيروح لمستحقيه ولا لأ لكن فيه دعم يصل لـ200 مليار جنيه والغني بيستفيد منه أكتر.
- زينة: خلل بالقوانين ولا بالمحسوبيات؟
- السيسي: لا لا لا.. ده واقع ومحتاج يترشد.. الراجل اللي عنجده عربية أكتر من 2000 سي سي ممكن ياخد دعم من الدولة حسب حركته.
- زينة: هل تفكر في رفع الدعم عن الوقود؟
- السيسي: أنا بقول لو عنده سيارة واحدة فما بالك لو عنده 3.. ممكن يوصل لـ4000 جنيه.
- زينة: رفاهية مقلقة؟
- السيسي: ينفق زي ما هو عايز لكن الجزء اللي بتنفقه الدولة تستغنى عنه.. ولازم الكلام يتظبط ويتعدل مش بس الفقير فقط هو اللي ياخد.
- زينة: الغني من حقه أن يكون غني وتقول إن تأتي لنصرة الضعيف؟
- السيسي: ده أسلوب حياة صحيح.. وبعدين إحنا بنتحرك وبنساعده.
- زينة: كم سيصبر المصريين والصبر في أحيان كثيرة ملحق بخيبة أمل وأفقده الثقة بحاكميه؟
- السيسي: الشعب المصري لو وجد صدق وإخلاص حقيقي ثم نتائج على الأرض ممكن يصبر أكتر مما تتصورون جميعا وزي ما حضرتك قلتي مش مصدق حد تاني ولا زم يرى ما يدعوه إلى أن يصدق، ولو لقى ده إن الكلام اللي بيتقال بيتنفذ.
- زينة: متى سيرى؟
- السيسي: لو مشيت الأمر طبقا لتخطيطنا سيرى تحسن خلال عامين.. وفيه مشاكل مثلا أطفال الشوارع عايزة حلول بعيدة المدى عشان نقدر نقول إنه قدام حالة العوز فيه حالة الكفاية والانتعاش وبنتكلم في إن شاء الله سنتين.. المصريون والسيسي يعدون أن الحالة تتحسن خلال سنتين.
- زينة: لماذا سينجح السيسي؟
- السيسي بعد صمت لثوان: يمكن شايف المشكلة كويس.. وأقول الاصطفاف دون تهويل أو تهوين وشايفين الحلول كلنا جنب بعض لأن المشكلة كبيرة بجد.
- زينة تنهي الفقرة الأولى من الحور وتخرج إلى فاصل.
عودة بعد الفاصل
زينة تسأل عن عدم تواجد جماعة الإخوان المسلمين حال فوزه بالرئاسة؟
- السيسي: ليه إحنا حالنا كمجتمع في مصر ليه نسيجه مش مترابط مش مرتاح ومش مع بعض كلنا، وفيه حد متصور بقناعاته.. وبالمناسبة أنا أقدر قناعات الناس بشرط أنها لا تفرضها على الآخرين وده من الحريات بالمناسبة وصعب إن قناعاتك تفرضها على الآخرين، والنقطة الثانية يبقى فيه قيادة للدولة وفيه قيادة للدولة موزاةي تحت أي اعتبار، الدولة مش هتستقر والدولة معنية بأمور باختيار شعبي طبقا للدستور والقانون بين الرئيس وشعبه وماينفنعش يكون حد له تصور تاني.
- زينة: يعني الإخوان كانوا عاملين دولة موازية؟
- السيسي: فيه حاجة موازية جوه الدولة وفيه إحجام عن محيطه المصري منعزل عنه ومتصور أن لديه خطاب هو الأصح عن غير كل الخطابات ودي رؤية دينية غير كل الناس.. بقول لكل الناس وكل الدول وبقول إحنا فين إحنا شكلنا إزاي وبقول إحنا ضيعنا إنسانية الإسلام.. فين هي بصوا وشوفوا كل الدول عشان مش بحب أتكلم على دولة بعينها، ونحن نقدم ديننا على أنه القتل والتخريب والتدمير، اقعدوا وحاوروا غير المسلمين هتلاقيهم خايفين مننا، ومش نيفع إن الخطاب الديني يبقى له قيادة تنظر له وتتحرك في عكس المجتمع والفكرة مش خصومة أو ثأر بيني وبينهم إنما للمصلحة الوطنية وبالمناسبة المصلحة الدينية.
- زينة: تريد أن تنقذ مصر من الإخوان وتنقذ الإسلام من الإخوان؟
- السيسي: صحيح صحيح صحيح.. لما تتكلمي عن أمة متقدمة زي ألمانيا ولما تتكلمي عن أمة منضبطة تبقى اليابان.. هل نحن أمة عادلة أو صادقة ولا لأ.. هتلاقي إجابات مش مريحاكي.
- زينة: بس مش جديد؟
- السيسي: مش جديد من أيام أفغانستان وأنا معني بالأمر للمسلمين وللمسلمين في مصر عشان ماحدش يزعل.
- زينة: كيف ستقصيها وألا تخشى تقديمهم للعنف؟
- السيسي: هما اللي قدموا العنف بشكل خلى المصريين يتصوروا إنهم مش هيعيشوا معاهم تاني وكنت أقول لهم أنتم تحولون الخلاف السياسي لخلاف ديني وده مسخ للخطاب والحقائق ومايرضيش ربنا نمشي كده ومفيش حاجة اسمها قيادة دينية ومفروض رئيس الدولة مسؤول عن كل حاجة فيها حتى دينها وكنت بقول شوفوا أنا مين وأعرفوا أنا مين عشان هتختاروا.
- زينة: لكن مشكلة الإخوان أن الإسلام دين ودولة وهل أنت تطرح أن الكرسي مرجعية للدين والدولة؟
- السيسي: لا لا مانحملش الأمر.. ماينفعش إن فيه حد يتولى الأمر بنفسه فيه الأزهر والكنيسة، ومؤسسات الدولة تعمل لصالح الدولة المصرية وده الكلام اللي أقصده.
- زينة: وصول الإخوان للسلطة قضى عليهم؟
- السيسي: الإخوان كانوا مستعدين ليصلوا إلى الحكم لكنهم ماكانوش عاوزين ينجحوا في الحكم والمصريون انتخبوهم على الدستور والقانون وهما بيتحركوا بوجهة نظر أخرى غير الدستور والقانون والدليل على كده إنه 3 شهور حصار المحكمة الدستورية أنت بتهدف لهدم معنى ورمز، وتوجهاتهم ورؤيتهم هما.. والنقطة التالتة إن العمل اللي عملوه إن هما بيبقى فيه شكل من أشكال العزلة عن المجتمع المصري وغير متوافقين على نسيجه وده أحد الإشكاليات التي واجهتهتم والمصريين لما اختاروهم ماكناوش ناقصين دين لا مسلمين ولا مسيحيين والمصريين اختاروهم لحل الأزمة لكن هما غير كده وده ماينفعش.. فيه تعددية ووصول للحكم ومناخ حريات وتداول للسلطة وده ماكانش يحصل، وهما تقديراتهم للموقف إن مؤيديهم ومعارضيهم وصلوا للصدام مفيش مشكلة.
- زينة: يعني حرب أهلية؟
- السيسي: يعني.. وإحنا جيش نعمل إيه ومش مسموح إن التجربة تعصف بمصر.
- زينة: هل تحرك الجيش في 30 يونيو بإيعاز من الخارج؟
- السيسي: الجيش ماينفعش يعمل كده ولا نسق أو يتشاور أو يتآمر من أكبر قائد لأصغر شخص فيه، ده قرار مصري خالص مع احترامنا لكل العلاقات والمصلحة الوطنية كانت تقتضي ذلك.
- زينة: قلت إن الجيش سينزل مرة أخرى؟
- السيسي: نعم تقديري كده وقلت إن المصريين ممكن يطلعوا تالت وأنا مابصش للبداية ببص للنهاية، وعشان استدعاء الشعب المصري ليا للخطر وللأمان اللي بيحطوه على أكتافي لأنه صعب عليا كإنسان بعد ما كنت بالنسبة لهم قمة تضيع نتيجة إنه طالبين حاجة وماقدرش أحققها وبقول كلنا مع بعض نحققها.
- زينة: سؤال خطر ببالي قلت إنك تحسب حساب الجيش أنه ينزل مرة ثالثة.. الجيش نزل ضد مبارك ومرسي لكن لن يصطف مع الشعب ضد السيسي.
- السيسي: لو خرج الناس مش هستنى لما الجيش يقول لي.. وأنا بخاف على بلدي وعلى الناس.. والجيش بيتصرف لإرادة شعب وهو جاي من الشعب المصري ودايما مع إرادة المصريين.. وبين الجيش والمصريين حالة خاصة جدًا.
- زينة: وقت الحلقة انتهى وسنتحدث عن مصر الكبيرة وعلاقاتها العربية في الحلقة القادمة.
- السيسي: شكرًا لكم.
المصدر : جريدة المصري اليوم .
المصدر : جريدة المصري اليوم .
ليست هناك تعليقات:
إرسال تعليق