جيل الحق -دمياط - 22/7/2010

بلدي يا بلدي يا بلدي يا بلدي

ياللي كنت عيني وحته من كبدي
ياحبي الأول والأخير والأبدي
طول عمرك منا تاخدي عرفينا لمين بتدي

سنين عمري ظالمة وغيرنا بتبدي

يا بلدي يا بلدي يا بلدي يا بلدي

عشرين سنة بعيد عنك لوحدي

أقول إيه وأحكي لبنتي وولدي

لما يطلبوا يشوفوكي نعدي ولا ما نعدي

أقولهم دا بيت أبويا وجدي

ولا أقولهم كان هيبقى هنا مجدكم ومجدي

راح زي ماراح ماليكي من وجدي

يا بلدي يا بلدي يا بلدي يا بلدي

يا أغرب الأوطان يا بلدنا

يا خيبة بين الجيران يا بلدنا

 ما ليك صنعة نقول فيها فزنا

يا آوية الحرامية بدستورنا

يا مموتة الفرحة من قلوبنا

ببشرك بجيل بس مش جيلنا

هيجيب لنا كل حقوقنا

ماذا بعد .....؟ جدة - 28/1/2011

بالأمس تونس واليوم مصر وغداً اليمن

قد ضاقت الشعوب تئن وتحتقن
ماذا لو أبي لا يلتفت لي ولا يحتضن
هل يكون لي وصياً يؤتمن
هل لي أدعوه أباً حكيماً متزن
كنت أرجوه مثلاً أحذو وأفتتن
أنتمي له وفكري به يقترن
أَطلقَ كل يدٍ توئد العقل وتختتن
لست أبي ولن يخدعني وجهك المستكن
ماذا بعد تونس وبن علي
من سيسقط في القاع من عَلِ
الصورة تزداد وضوحاً وتنجلي

من مع من ضد من يوقف المعولِ

لم تعد الانجازات والتصريحات علينا تنطلي

أمي .. لقد خرجنا وإن لم نعد فلا تسألي

وإن طال غيابنا فتأكدي واعلمي

أن مصرنا الحبيبة من جديد تنبني

فاهدئي واستمري وتجلدي

اقرأي تاريخ الطغاة وتأملي

قد يطيل انتظارك لكن لا تسأمي

آمني أن بشعبك تستطيعي تنعمي

وأن يوماً قريباً ستنامي وتأمني

لنموت وننتحر أو نحترق

ليضيء نورنا الظلام ويخترق

لنفسح طريقاً لأولادنا تنطلق

فقد وصلنا إلى طريقٍ مفترق

علينا أن نختار ولا ننزلق

ننتبه لكل مرتزق يحاول يلتصق

فلكل ليلٍ ضوءٌ ينبثق

نتحدُ عليه ونؤمن ونتفق

فايدة بسيطة -جدة -10/1/2011

ماعاش اللي قال خُد قرض

ولا عاش اللي قال لازم وفرض

دا أكبر مصيبة تجيب الأرض

شوف الست عايدة العبيطة

عملت لجوزها حكاية وزيطة

قالت فايدة سهلة وبسيطة

البنت كبرت وادورت
وباحلم اشوفها اتشورت
في فرح بنتها اتلبخت ما اتصورت
الحمد لله البنت اتسترت
الشهور مرت ولا سددت
الفايدة زادت الدِّين واكومت
أيام وفي السجن قعدت واكورت

جوزها غضب طلقها واشردت

ليه نينة يا ماما زياراتها اتأخرت

روحها لربنا في السماء اتطلعت

البنت سافرت مع جوزها واتغربت

مرت السنين وما اتخيلت

صورة أمها وأبوها في الصحيفة اصدرت
بصت فيها وف العنوان اتحققت

قتلت طليقها مجنونة اتهورت

عمار يا مصر - جدة -10/1/2011

مين دمر وفجر

مين للغاز قرر

يبيع ويصدر

مين بيضحك ويكركر
على أحزاب كلام مش أكتر
والعدو قاعد مستنظر
على لحظة تكون هي الأخطر
مين بيفهم ويتذكر
يوم بعد يوم بيكون أغبر
الغني أغنى والفقير أفقر
بلد أبي الهول والهرم الأكبر
الأولى في استيراد القمح الله أكبر
مين زود وقال أكتر
مين الأستاذ الأفندي
اللي باعك يا عمر أفندي
 ومين الأستاذ الأفندي
اللي قال مفيش حرب وسرح الجندي
وباع المصانع لليهودي والهندي
عمار يا مصر برغم ما عندي
وعند جاري وكل عيلتي
فشل كلوي وتليف كبدي
من إنتاج نيلي وأرضي
مين اغتصب داري وانتهك عرضي
مين اللي باع واشترى في مرضي
وقال شيء عادي وعرضي
يا نفس لا تقبلي لاترضي
وإن يكن تصرفك فردي

عمار يا مصر برغم ما عندي  

قولوا أهبل -جدة- 3/1/2011

قولوا أهبل قولوا مفروس

اصحي يا مصرهشي الناموس

أولادك هزموا التتار والهكسوس
يطلع فيهم مصري جاسوس ....؟
قولوا معتوه قولوا مهروس
شوفوا مين باع وقبض الفلوس
وكم شهيد بدمه نوَر فانوس
وعدى على جسمه التروس
ومين دفن في الرمل الرؤوس
خلانا نعام وعمل طاووس
قولوا أهبل قولوا مفروس
حللوا رضاعة الكبير والبوس
حاربوا الحشيش وباعوا الخمر في الكؤوس
فين الفلاحين بالفئوس
ليه الرضيع اللي لسه مفقوس
جسمه بالسرطان مغموس
مين بيننا خاين مدسوس

قولوا أهبل قولوا مفروس

يعني إيه تعليم مجاني ودروس

وليه يرفعوا سن العروس

جاوبني لو في شيء محسوس

ولو أعمى يبقى برضه ملموس

تحسن سياسي ميئوس

نمو اقتصادي منحوس

ليه الناس في الشوارع زي التيوس

خلقة واحدة كلها عبوس

قولوا أهبل قولوا مفروس

ليه اختفى بياع العرقسوس ؟!

في بغداد والصومال وأبو طرطوس ...