اعتبرها سحابة أو طيفأو الخريف جه قبل الصيف
شيء عادي تافه سخيف
لازم تكون إنسان لطيف
وسَّع صدرك خللي دمك خفيف
كل دي أوهام وتخاريف
كأنك بتتعاطى أو بتاخد كيف
قول نعم وحاضر تبقى ظريفوتبقى إنسان عادل صالح شريف
بلاش مماطلة وتسويف
العمر مايتحملش مجادلة وتثقيف
عيش الحقيقة بدون تحريف
وإنسى البيت وانسى الرغيف
انسى الجامعة والتوظيف
إشتغل فنان .. مفسر أحلام
أو داعية في الإسلامكله هيبقى تمام التمام
هتسيب دقنك ولا تعري الأكمام
هتقرأ كم كتاب وتقول شوية كلام
المهم تعرف بإيدك تطير حماموتعرف كم× كم = كام
ممكن تكون لاعب
وراعي وراك في الملاعب
برضة فيها مكاسب
ولما تكبر هتكون مذيع أو نائب
صوتك عالي مكشر وغاضب
ده لو كنت حابب
غير كده هتكون عبيط وشايب
يقولوا ضيع عمره الخايب
دي نصيحتي للحبايب.....
